Inin kamagsarangkay
sugad hin litson ngan gaway.
Panit hit litson, tambok
ngan unod waray mapantay.
Ugaring, kun di asya
an timplada- an kalangsa
labaw hasang han isda.
An katam-is ngan tigson
han gaway... himaya ha at
kangipunan ngan dila.
Ugaring kun mapan-os na
katol napairapa.
Igsura an litson samtang
nagsasamsam hin gaway;
im ngaran mahangalimtan.
Basta upaya gud la
im pagtimpla ngan pagtuon
im pagtimpla ngan pagtuon
sugad han kamagsarangkay.
2 comments:
This is poetry Maam :)
Enjoy reading all your post.
thank you maibelle... and i love reading yours too. they really do sound like you're talking la. maupay and i look forward to read more from you. my literature teacher, ma'am merlie inspires me and i hope i could pay it forward by inspiring more people...
Post a Comment